دولاب جدتي المسحور
انت في الصفحة 1 من 7 صفحات
دولاب جدتي المسحور
وقبل ما بدا حكايتي اعرفكم بنفسي انا اسمي ميرنا عندي 21 سنه بابا وماما راحو وكنت عايشة عند خالي بس لما ولاده الصبيان كبروا خالي قالي
اسمعي ياميرنا يابنتي انتي دلوقتي كبرتي وبقيتي عروسة فمش هينفع تعيشي معانا انتي عارفه ان ولادي كبرو وانتي بنت مش هينفع تبقى وسطيهم
ميرنا
يعني هاروح فين ياخالو وعند مين انا مليش غيرك من بعد ماما وبابا ما راحو
ماهي عندك عمتك ياقلبي هتاخد بالها منك اتصلت بيها وعرفتها انك هتروحي تعيشي عندها هي عندها بنات في سنك واظن كده هيبقا افضل لكي
ميرنا
بس انا عايزة افضل هنا ياخالو وبعدين ولادك صغيرين مش كبار
مرات خالي قالت
ماتسمعي الكلام ياميرنا يوووه ماقولنا مش هينفع الله
الخال
براحه بس عليها ا امال في ايه
فضلت باصه لها باصه غريبة هي ساعتها خاڤت مني
و وبعدين قالت لخالي
ياماااا شوف البت بتبص لي ازاى ياحامد
حامد
ها ياميرنا قولتي ايه
ميرنا
قولت حاضر ياخالي هعمل اللي انت عايزة ماااشي
وبعدها رحت اعيش عند عمتي اخت بابا ودخلت وسلمت على عمتي وبناتها ودخلت راح النور قاطع مره واحده
عمتي قالت ياساتر يارب ايه ده ده النور اول مره يعملها ويقطع شغلي الكشاف يا أميرة يابنتي
قولت لنفسي استر يارب ده انا لسه داخله ايه ياحظ
حاضر ياماما انا هشغل كشاف الموبايل بتاعي
ندى بنتها خرجت من الاوضة بتاعتها وقالت ماماااا اعاااااااا النور قطع ليه انا كنت بذاكر هعمل ايه دلوقتي
العمة
ماتصبري يابت دلوقتي يجي في ايه
ندى
ده اول مره يعملها منورة ياميرنا بجد منورة
أميرة
بس ياندي اهمدي
ندى
حاضر لما نشوف اخرتها معاكو ده انتو عيلة مايعلم بيكم الا ربنا
واخدتني أميرة الاوضة وقالت لي
اميره
قولي لي بقا يا ميرنا انتي في سنة كام
ميرنا
انا داخله تانيه آداب انجليزي يا أميرة وانتي
أميرة
انا بقا داخله تالتة صيدله والبت ندى اللمضة دي ثانوية عامه
بس ماقولتيش ياميرنا هو خالك خلاكي تمشي من عندهم ليه كده على فكره بقا ده راجل واطي اوي
أميرة زعقت فيها وقالت
ندى وبعدين معاكي بلاش هزار التقيل ده مع ميرنا هي لسه متعرفكيش
ميرنا
لا لا سبيها يا أميرة هي عندها حق والله هو فعلا خالي واطي لا وايه مراته اوطي منه كمان اوي جدا خالص
ندى
ههههه ليه بقا هما بيعملو فيكي ايه احكي لنا احكي
ميرنا
انتي عارفه مرات خالي دي ياما حرمتني من الاكل والشرب وساعات كانت تلسعني لما اقول لها اني نفسي في حاجة
أميرة
ينهار معقول ده بجد ولا بتهزري
ميرنا
لا بجد يا أميرة اوعي تستغربي دي وليه مفترية الهي تنشك في معاميها
ندى
ههههه الصراحة كده هي تستاهل اننا ندعي عليها
أميرة
طيب يلا ننام عشان انا عندي شغل الصبح
ميرنا
انتي بتشتغلي في الاجازة دي يا أميرة
أميرة
ايوه بشتغل في مكتب برمجة وكده يعني
ندى
انا بقا قاعده في البيت يعني هفضل قاعده معاكي
ميرنا
كويس يابت ياندي لا وانتي دمك خفيف وانا بحب اللي دمهم خفيف
وعدي يوم عند عمتي ومحصلش حاجة قولت الحمد لله انه عدي على خير
وبالليل عمتي قالت لاميرة ادخلي اعملي لنا شاي تشربي شاي ياميرنا
ميرنا
انا هدخل اعملكم انا ياعمتي
أميرة
طيب تعالي معايا وانا اوريكي الكاتل فين والنبي انتي جدعه ياميرنا عشان هتريحيني
من
