دولاب جدتي المسحور
في أشكال جديده السنة صح
نور
اه طبعا العيال بتوع سنه اولى بقا وكده
ميرنا
ايوه عندك حق بس العيال مالها كده عارفين زي البرص الجعان كده ليه تحسي ان كلهم جاين من الصومال
نور
ههههه عندك حق ده معادش في شباب حلوين خالص
ميرنا.
الشباب الحلوين يانور راحو في الحړب ولا انتهو في الروايات ياربي نفسي اشوف واحد حلو على الطله كده
لا في الأحلام ده يابنتي او في الروايات بس
ميرنا
صحيح ايه البت اللي تنشك هبه جايه هناك اهيه
نور
اسكتي دي اتخطبت وهتعمل علينا واحده بقا ومش هتعرفي تكلميها
ميرنا
لا ياشيخة طيب وده ايه علاقته بينا اتخطبت ولا ترزعت في نافوخها حتى احنا مالنا تتكبر علينا ليه بلا هم بنات معفنة صحيح خلاص سيبك منها لما نشوف هي هاتيجي تكلمنا ولا لا
هااي يابنات عاملين ايه
ميرنا
انتي بقيتي بتقولي هااي ياهبه الله يرحم امك
هبه
يخربيت عقلك يا ميرنا طول عمرك دمك خفيف والله عاملة ايه وحشاني اوي
ميرنا
لو كنت وحشتك ياواطيه كنتي عزمتيني انا والغلبانة دي ولا احنا يابت مكناش أصحاب
هبه
معلش ياميرنا انتي ونور اصل كل حاجة جات بسرعه كده وهو جه علطول خطبني وسافر
ويطلع مين ده بقا اللي امه داعيه عليه ده ياختي الموكوس على عينة
لقيت نور جمبي وقعت في الارض من كتر الضحك وقالت
يابت ارحمينا الله يخربيت عقلك يا ميرنا انتي مصېبة والله
هبه
دي دي بوررريه منها دي بس ماشي ياميرنا مسيرك تبقى زينا ونشوف بقا هيبقا شكله ايه خطيبك ده
ميرنا
انا يابت خطيبي هيكون واد قمر كده مفيش في جماله ياختي انتي وهي على العموم مبروك ياهوبه اوعي تكوني زعلتي من كلامي يابت انا بهزر معاكي انتي عارفاني
ايوه طبعا عارفاكي فظيعه ومش بتسيبي حد غير لما تتنمري عليه وتقلبي عليه
ميرنا
معلش بقا انا لو معملتش كده هيجرا لي حاجة يرضيكي يعني يجرا لي حاجة
هبه
ههههه لا طبعا مايرضنيش المهم ايه الاخبار هندخل المحاضره الأولى امتى
نور
ولا نعرف اي حاجة ياهبه
ميرنا
لا مشيت من عنده وبعدين روحت عند عمتي وبعدين بقا حاليا عايشة في القصر بتاع جدتي وجدي
. ايه ده هما جدك وجدتك عايشين
ميرنا
لا طبعا متوفين بس انا عايشه في القصر لوحدي
نور
ايه ده قصر مره واحده يابت أحلفي
ميرنا
اه والله يابت قصر بس ايه كبير اوي عايشه فيه لوحدي هو كان قصر جدي بس لما راحو محدش عاش فيه فضل مقفول سنين كتييير اوي وانا بقا اللي رحت وفتحته
هبه
يخربيتك بتقولي مقفول سنين كتير ده يبقا مسكون العفاريت يابت
ااه ماهو مسكون فعلا وفيه عفاريت يس انا وهما أصحاب انتو فاكرين ايه يعني
هبه ونور بصو لبعض وانا قولت لهم
متستغربوش ياختي منك وبعدين دول لطاف خالص يابنتي
ورجعت على القصر عشان ارتاح بدل تعب اليوم بتاع المحاضرات ده وكنا بالليل وانا قاعده بذاكر سمعت صوت ضړب ڼار وزي ماتكون في حرب خرجت في الجنينة شوفت من بعيد حد اخدت عصايه المقشه ورحت عليه لقيته شاب واقع في الأرض وشكلة كده مضړوب بالړصاص لما شوفته رحت عليه قولت له
بسم الله الرحمن الرحيم انت ايه انت مين وبتعمل ايه هنا انطق بسرعه لحسن اديك المقشه على دماغك
الشاب
اااه الحقيني ارجوكي مش قادر
ميرنا
انت ياااض انطق بسرعه
الشاب
اصبري بس انا مش قادر اطلبي الإسعاف طيب ولا اعملي اي حاجة انا بڼزف حرام عليكي
ميرنا
وانت پتنزف ليه بقا انت جاي هنا تهزر انت ايه اللي جابك هنا
الشاب
ياستي انا مضړوب قدامك بالړصاص اهو انتي حوووله اطلبي الاسعااااف بسرعه اااه
ميرنا
لا وانا مالي ياخويا
عشان يقولو اني انا اللي عملت
