سعديه وكوثر ـ كامله ـبقلم هويدا زغلول
عايزة اعرف ياسعدية واهو خلاص دلوقتي راح وراحت ايامة انا مش عايزة افتكرة
سعدية
خلاص ياختي مانتي ليكي حق برضك متفتكريش حاجة يلا الله يرحمة ويسامحة بقا انا كنت جايه لك عشان اشوفك هتعملي ايه بعد المرحوم ماراح
كوثر
مفيش انا ناويه اكمل من بعده الشغل واشتغل الشغلانة بتاعته دي وانتي هتساعديني ماشي
سعدية
طيب وانتي تعرفي احنا هشتغل الشغلانة دي ازاى
طبعا عارفه كل حاجة انتي بس خليكي معايا وانا اقولك احنا هنعمل ايه بس توافقي على كلامي ومتعارضنيش ابدا انتي سامعه
سعدية
سامعة ياختي سامعة
وبداو سعدية وكوثر يبقو دجالين واشتغلو في أمور السحر والسحر الأسود واللي خلا الناس كلها تروح عندهم ويطلبو منهم المساعده انهم فعلا كان بيفلحو في يوم راحت واحده عايزة تعمل عمل لحماتها وقالت لكوثر
كوثر وهي بتحط البخور في الڼار عشان تعلي قالت
وانتي يابت ياسيده عايزاها تلف حوالين نفسها عشان خلتك سقطي ولا عشان بتخبي منك الاكل انتي وعيالك ومجوعاكي
سيدة
ب ب بسم الله الرحمن الرحيم هو انتي عرفتي منين ياستنا الكلام ده انا مقولتش حاجة زي كده
هو انتي فاكره انه في حاجة بتستخبي عني يابت انتي انا اللي معايا جامدين وبيعرفو كل حاجة ومن اول مادخلتي عندي هنا وهما عرفو انتي جايه ليه وعايزة ايه
بصت سيدة يمين وشمال وقالت
اللهم احفظنا يجعل كلامنا خفيف عليهم ياستنا والنبي ياستنا خليهم يعملو لي اللي انا عايزاه عشان انا تعبت من الوليه حماتي دي خالص الوليه مش سيباني في حالي
طيب معاكي حاجة من قطرها
سيده
معايا خودي ياست الكل
واخدت منها كوثر الهدوم اللي جبتها سيدة وفضلت تشم فيها وتقول عليها كلام غريب وادت لها ورقة مطبقة وقالت لها
خودي يابت دي هتحطيها تحت المخدة بتاعتها بس اوعي تشوفك وساعتها انا مليش دعوه باللي هي هتعملة فيكي
سيدة
حاضر ياست الكل من عنيا ااا امشي انا بقا ولا عايزاني في حاجة تانية
لا مش عايزاكي في حاجة يلا غوري من هنا يلاااااا
وفي الوقت ده جريت سيدة على برة ودخلت سعدية وقالت
هي البت بتجري كده ليه مالها دي شافت عفريت ولا ايه
كوثر
سيبك منها الزبونة اللي بعدها حكايتها ايه
سعدية
دي واحده متريشة على الآخر جايه لك عشان قال ايه جوزها مابيعرفش ههههه والوليه شكلها هتروح فيها نسوان فاضية ياختي بلا هم
اهي النسوان دي اللي بتأكلني انا وانتي عيش يابت يلا روحي هاتيها استني صحيح اسمها ايه واسم امها وجوزها اسمه ايه
سعدية
ايوه صح اسمها نوال وامها اسمها زينب وجوزها اسمه علي وامه اسمها.......
كوثر
خلاااص ياسعدية انا هعمل ايه باسم امه يلا انصرفي انتي من هنا
ودخلت نوال واول لما شافت اوضتة كوثر اتقبضت وخاڤت وعايزة ترجع لورا كوثر قالت لها
ادخلي يا نوال يابنت زينب
نوال
م م م مساء الخير هو هو ا ا انتي ت ت تعرفي اسمي
كوثر
اومال ايه انا عارفه عنك كل حاجة اسمك واسم وامك واسم جوزك على اللي جايه لي عشان اعمل لك له عمل يفك ربطتة
نوال باستغراب
ربطتة يعني ربطتة انا مش فاهمة حاجة
كوثر
جوزك مربوط يانوال والربط يعني ميعرفش يقرب منك مش هو برضو مبيعرفش
نوال پخوف
اااا ايوه صح صح
كوثر
امممم يبقا علاجة عندي انا وبس ودلوقتي معاكي حاجة من قطرة
نوال
لا يعني ايه حاجة من قطرة دي انا مش فاهمة
كوثر اتعصب وزعقت وقالت
ماتفتحي مخك معايا ياست انتي اومال الله عايزة حاجة من قطرة يعني فنله مثلا داخليه كان لبسها وعرفة فيها متغسلتش هو ده
