وعد

وعد
الحلقة_الأولى
مافيش حاجة في الدنيا اسمها الصدفة كل الحاجات اللي بتفتكرها صدفة وراها ترتيب دقيق جدا انت متعرفش عنه أي حاجة اكتب السطرين دول في ورقة صغيرة وخليها معاك وانت بتقرا القصة دي علشان في نهايتها أنا هثبتلك ان مفيش حاجة في الدنيا اسمها صدفة ..
أنا الرائد طارق عصام الدين چيمس بوند وزارة الداخلية عشقي المبكر للروايات والأفلام البوليسية كان ليهم فضل كبير عليا في حياتي العملية لما كبرت ..

اتربيت على روايات أجاثا كريستي وافلام هيتش كوك واتعلمت منهم درس مهم أوي بقى منهجي في الشغل بعد كدا لما بقيت ظابط مباحث .. 
الدرس اللي اتعلمته اني في أي قضية بشتغل عليها وبحاول أحل اللغز بتاعها أول ناس لازم أشك فيهم هما أبعد ناس عن دايرة الشك .. والقناعة دي كانت مفتاح السر في كل القضايا المستعصية واللي محدش لقالها حل غير العبد لله ودا السبب اللي خلى زمايلي في الوزارة يسموني چيمس بوند ودا اللي حصل معايه في آخر قضية مسكتها واللي اشتغلت فيها بتكليف مباشر من السيد مدير الأمن شخصيا رغم ان سني صغير ورغم أن القضية مكانتش في القسم اللي انا تبعه بس كانت قضية رأي عام والبلد كلها بتتكلم عنها قضية المطربة رانيا الشيخ كل اللي اشتغلوا على القضية دي قبلي اشتغلوا بطريقة غلط كانوا بيسلطوا الضوء طول الوقت على الناس اللي اصلا جوا دايرة الضوء حد كان متخانق معاها حد كان على خلاف معاها حد مديونلها بمبلغ كبير حد غيران منها وبينافسها في السوق كل دول طبيعي ان الشبهات تحوم حواليهم هما اصلا واقفين تحت دايرة الضوء ودا سبب كافي يخليهم يخافوا يفكروا في القضية لكن لما انا اشتغلت على القضية اشتغلت بطريقتي انا بدأت أدور على الناس اللي واقفين في الضل واشوفهم مستخبيين من ايه واجيبهم وواقفهم في النور أول واحد انطبقت عليه المواصفات دي كان جوز المطربة الملحن خالد الطيب خالد ورانيا اتجوزوا عن قصة حب كانت كل الدنيا بتحكي عنها وبعد الحاډثة انتشرت صوره في الجرايد والمجلات وهو مڼهار وكل الناس كانوا بيقولوا انه مش هيكمل بعدها بكام شهر لكن انا كان ليا رأي تاني ولفت نظري تفصيلة صغيرة محدش خد باله منها قبل كدا السلسلة الدهب اللي عليها اسم خالد واللي كانت رانيا بتطلع في كل البرامج وهي لابساها ولما بتتسئل عنها بتقول انها أول هدية خالد جابهالها وانها مش هتقلعها غير لما ټموت لما رانيا ماټت مكانتش لابسة السلسلة ودا معناه ان حبها لخالد هو اللي ماټ ومن هنا كان بداية الطريق لاكتشافي 
في اللحظة دي تحديدا بدأت قصتي الحقيقية ..
بعد ما حليت لغز القضية اللي شغلت الرأي العام كله تليفوني مكانش