رواية امير الصعيد من البارت الاول للعاشر بقلم ايات الرحمن

١٢٣
ع بركة الله نبداء روايتنا الجديده
البارت الاول
..........
قاعده في اوضتى وبقرء روايتى المفضله عشقت أمير الصعيد
فجأة بابا دخل وقال جهزى نفسك يا رضوى عشان هنسافر الصعيد 
طبعا مش هقول زعلت ولا حاجه انا فرحت جدا ليه مش عارفه يمكن عشان بحب اقرء روايات عن الصعايدة وحابه اشوف اللي في الروايات دا حقيقي ولا لا قومت بكل حماس جهزت شنطتى واخدت كم رواية كده واللاب توب وعشان انا بهتم بلبسي اخدت لبس كتير اوى وميك اب وكريمات شمس عشان الصعيد حر جامد انا اول مره اروحها بس بسمع كده فى الروايات واحذيه بلون الملابس وكم نظاره والوانى الزيتيه والوان الميه ولوحات هرسم فيها

اعرفكم بنفسي الاول انا رضوى العشماوي 23 سنه كلية فنون طبعا جميله جدا جدا جدا مش مرتبطه ولا بفكر في حاجه ذى كده شعارى هو ان الحريه حاجه عظيمه وليه اتجوز وارتبط بشخص يحرمنى من حريتى مفيش خروج وكل حاجه بااستأذان لا انا كده احسن 
طولت استحملوا بس
بقلم_أيات_عبدالرحمن
تاني يوم بقي يوم السفر كنت في قمة فرحى 
لبست بنطلون ليكرا اسود وسويت شيرت اسود ونظاره سوداء ماهو دا لونى المفضل وكوتشي ابيض والبرفيوم الخاص وميك اب خفيف ونزلت عند بابا
عامر انتى هتسافرى كده
رضوى عادى يا بابي فى حاجه
عامر لا يا روحى مفيش بس ربنا يستر 
سلمت على ماما وركبت العربيه انا وبابا وصلنا المطار وركبنا الطياره ونزلنا وكان في شخص مستنينا سلم على بابا وباس أيده وسلم عليا وكان متنح اوى 
عامر دا يبقى عمرو ابن عمك مصطفي
ودى تبقي رضوى بنتى
عمرو ما شاء الله يا عمى بتك كيف البدر المنور
عامر انت هتعاكسها ولا ايه
عمرو حاش لله ياعمى
جدى مستنيكم من صباحية ربنا ياعمى
هيفرح جوى لما يعرف انكم وصلتوا 
ركبنا معاه العربيه 
وبابا سأله على احوالهم وعلي اخواته وكده
عامر اخواتك عاملين ايه مروان وامير وورد
عمرو بخير يا عمى 
واخيرا وصلنا
كان جدوا بنفسوا واقف يستقبلنا وعمو مصطفي
مصطفى اتوحشتك جوى يا خوى نورت الصعيد 
عامر منوره باهلها يا خوي 
سحبت بابا على جنب انت بتتكلم كده ليه
عامر ههههههه انا صعيدي يابت 
ودخلنا جوا البيت عباره عن تحفه فنيه مرسومة بإيد فنان 
كنت مبهوره جدا من جمال البيت مش زى التليفزيونات خالص دا حاجه جنان 
قعدنا واتكلمنا وهزرنا 
الجد فوزيه خدى ستك رضوى على قاعتها وخليها تغير خلجاتها دى عشان ما نقصينش مشاكل مع امير بكفايانا عاد اللي عمله في اخته
فوزيه حاضر يا جدى 
وفى طريقنا لفوق فوزيه دى تبقي قاعة عمرو بيه 
ودى قاعة مروان بيه
ودى قاعة امير بيه 
ودى قاعة ست ورد 
ودى قاعتك
رضوى فوزيه
فوزيه عايزه حاجه يا سيتى
رضوى هو امير عمل في اخته ايه
فوزيه لا ياسيتى ما اقدرش اقول حاجه دا كان يعلقنى 
رضوى ليه يعنى
فوزيه هو كده صعب جوى
رضوى واخواته كده
فوزيه لا عمرو بيه بيحب الضحك ومروان بيه فى حاله كده اما امير بيه دا مايتحبش خالص
رضوى ليه 
فوزيه صعب جوى جوى جوى
رضوى پتخافي منه
فوزيه اول ما بيجول فوزيه قلبي بيقع فى رجليا
رضوى وعايشه ازاى دلوقتي
فوزيه ههههههه دمك خفيف يا سيتى تعالي غيرى خلجاتك عشان لو جه وشافك كده مش هيطلع عليكى نهار تانى
رضوى ههههههه متهيأ ليكى ولا يقدر يعمل حاجه 
فوزيه ماتقفيش قدامه يا سيتى
رضوى ماتخافيش 
فوزيه هتنامى دلوك 
رضوى ايوه انا حرفيا فاصله 
فوزيه ايه حفريا دى
رضوى ههههههه تعبانه من السفر ولما اصحى هفهمك 
نمت ماحسيتش بنفسي غير المغرب كده قومت اخدت شاور ولبست دريس موف فوق الركبه وفردت شعرى مع ميك اب خفيف ونزلت 
جدوا حاول يقنعنى انى اغير لبسي لطن انا رفضت كان عندي فضول اشوف امير ده هيعمل ايه خرجت الجنينه وماشيه وسط الزهور اللي بجد شكلها وريحتها ينسوا الدنيا 
وقفت وقطفت ورده وبشمها وفجأه لقيت قلم ثلاثى الابعاد نزل علي وشى
يتبع
رواية عشقت أمير الصعيد
البارت الثاني
رضوى واقفه في الجنينه عجبتها ورده قطفتها وبتشم فيها فجأة لقت قلم ثلاثى الابعاد نزل علي وشها 
رضوى پبكاء انت مچنون
فجأة بقوه وقلم كمان على الخد الثانى 
رضوى سيبنى يا حيوان 
اسيبك يا ايه وهووووب كمان قلم 
رضوى يا بابااااااا 
عامر ومصطفى والجد خرجوا على الصوت 
الجد هو ديه اللي كت خاېف منه 
مصطفى خلاص يا ولدى البت لسه ماتعرفش عاداتنا وتقاليدنا 
اسكت يا بوى دى قليلة الربايه وعايزه قطع لسانها وقطعت ورودى المفضله
الجد سيبها عشان خاطري انا يا ولدى وانا هزرع ليك غيرهم
زقها في الارض وقال
لو شوفتك واقفه كده تانى وبخلجاتك دى هقطعك قطيع وارميكى السكك فاهمه واياكى ورداتى تانى 
رضوى والدها انت مين انت عشان ترفع ايدك عليا وتحكم عليا بتغيير لبسي
عامر دا يبقي امير ابن عمك مصطفي
رضوى حصلنا القرف
امير اټجنن وخدها من عامر 
رضوى يابابااااا انت ساكت ليه وسايب الحيوان ده

يضربنى 
عامر كفايه يا امير بقي
امير لا مش كفاية دى عايزه تتربى من اول وجديد
رضوى ومين اللي هيربينى 
امير مش مالي عينك انا ولا ايه
رضوى بصت ليه بقرف من فوق لتحت وقالت تربية شوارع 
ولسه امير هيضربها جده خدها منه وفضل يهدى فيه 
اطلعى فوق انتى يابتى يلا 
رضوى عشانك انت بس يا جدوا هطلع 
مش عشان حد تانى ولا حتى بابا وسابتهم وطلعت
الجد بكفاياك يا ولدى البت اول مره تاجى هنا 
عامر اهدى بس ياولدى انا جبتها هنا عشان تعرفك وتحبك انا مش هتطمن عليها غير معاك انت 
امير بنفاذ صبر ماعايزش اشوفها بالخلجات الواعره دى تانى
عامر بهدوء يا ولدى دا لبسها طول عمرها فمش هتقدر تغيره فى يوم وليله ولا ايه 
امير هتقدر وڠصب عنها وهنشوف وطلع هو كمان 
عند رضوى كانت بتفكر تعمل ايه معاه عشان ضربها 
رضوى بعد تفكير طويل بس لقيتها
بقلم_أيات_عبدالرحمن
عند امير طلع خد شاور ولبس بنطلون بيتى اسود وتي شيرت اصفر وعليه العلامه دى
وحط برفيوم ونزل كانت فوزيه جهزت العشا 
الكل قعد ماعدا رضوى مانزلتش 
فوزيه طلعت ليها الاكل فى اوضتها
تاني يوم الجمعه
امير كان عنده اجازه 
كل العائله قاعده على السفره وبيفطروا بتنزل رضوى بلبسها اللي اول ما امير بيشوفه بيتجنن
لبسها عاري جدا وفارده شعرها 
رضوى صباح الخير
الجد صباح الخير يا قلب جدك
رضوى باست خد عامر صباح الخير يا بابي
عامر صباح الفل يا قلب بابي
الجد يلا يا بتى اقعدى افطرى معانا
رضوى لا يا جدوا ماليش نفس
ورد ليه يابت عمى 
رضوى اصل انا نفسي مسدوده مش عارفه ليه 
ورد من ايه
رضوى مش مهم يا روحى هى مسدوده وخلاص
امير يجعلها مسدودة دايما
رضوى لا هى مش دايما مسدوده ربنا يكفيك شرها لما بتتفتح هى بس مسدودة دلوقتي عشان قدامها سلطعون البحر المالح
امير قصدك ايه
رضوى ولا حاجة المهم ميرو مروان يعنى
مروان انا
رضوى ايوه انت عايزاك توصلنى النادى اللي هنا عشان انا ما اعرفش حاجه هنا
مروان أ بيقاطعه امير 
امير انا اللي هوصلك النادى
رضوى لا مش عايزه اتعبك
أمير لا تعبك راحه
رضوى طب يلا هنتأخر
امير يلا
امير اركبي يلا
رضوى ركبت فى الكرسي التانى
امير مش سواق الست انا تعالي قدام
رضوى اوووف حاضر
اهو ركبت
طول الطريق امير ورضوى فى حالة صمت رهيبه لحد ما رضوى بتتكلم
رضوى هو انت ليه مش بتتكلم صعيدي
امير ......
رضوى هو انا مش بكلمك
امير ......
رضوى عنك ما رديت ابو شكلك 
امير ........
رضوى هو النادى بعيد كده
امير ......
رضوى طب رد طيب دا انت كنت راديو وتلفزيون