مكتوبه على اسمي بقلم ملك ابراهيم 54

عربيات البلطجيه لحد ما نعرف المكان اللي هياخدوا فيه والدتك
عامر بص قدامه وقال لما عزيز قعد في الكافيه في المول وكان بيضيع وقت في مواضيع تافهه.. وقتها شكيت فيه وحسيت ان في حاجة غريبه بتحصل وكان المهم عندي اني آآمن والدتي وعشان كده كلمتك وقولتلك توقف رجاله بعيد عن البيت يراقبوا من بعيد بس لان في حاجة غريبه ممكن تحصل ولما قولتلي ان في هجوم من بلطجيه حصل على البيت قولت للحرس انهم يستسلموا للبلطجية لان الإشتباك معاهم كان ممكن يأذي والدتي ويعرض حياتها للخطړ هي واللي معاها في البيت وكانت مهمتكم انكم تمشوا وراهم وتعرفوا المكان اللي اخدوهم فيه.
سامح طب ليه منهجمش على المخزن اللي خاطفين فيه والدتك او نبلغ البوليس.. احنا دلوقتي عارفين المكان.
عامر لان انا كنت عايز اعرف الاول انا بتعامل مع مين لان اللي خطفوا والدتي وميرنا هما نفسهم اللي خطفوا عزيز وده معناه ان الخاطف شخص مجهول وكان لازم اعرف كل حاجة عنه الاول عشان أعرف اتعامل معاه.
سامح حضرتك عندك حق.. وانا والرجاله جاهزين وتحت امرك في اي وقت.
عامر بص ل سامح وقال لازم نعمل حساب كل خطوة قبل ما نخطيها عشان حياة والدتي اهم من اي حاجة وانا مش هقبل انها ټتأذي او حياتها تتعرض للخطړ.
سامح هز راسه بالايجاب تحت أمرك يا باشمهندس وهننفذ كل اللي تؤمر بيه.
....
في مكان مخصص للسهر.
كان قاعد علي البار مختار نشأت منافس شركة عامر وكان بيشرب من الكاس اللي في أيديه وفجأة لقي واحد بيقعد جمبه وطلب كاس هو كمان.
مختار بص جمبه پصدمة وانتفض لما شاف علاء هو اللي قعد جمبه وكان وشه كله كدمات ولصق طبي فوق چروح كتير في وشه.
مختار بصله پصدمة وقال علاء!! انت كنت فين كل الايام دي!! وايه اللي عمل فيك كده انت دخلت في قطر ولا ايه!
رد علاء پغضب وهو بياخد الكاس وشربه علي مرة واحدة يارتني كنت دخلت في قطر كان هيبقى ارحم من اللي حصل فيا.
مختار بدهشة هو ايه اللي حصل فيك وكنت فين كل ده.. انا فكرت ان عامر الجارحى...
قاطعه علاء پغضب وصړاخ مش عايز اسمع اسمه.. متنطقش اسمه قدامي.. دا عمل فيا اللي محدش اتجرأ يعمله معايا.
مختار بصله پصدمة وسأله عمل فيك ايه بالظبط وضح كلامك!! هو اللي في وشك ده صح
علاء شرب كاس تاني وقال دا انا مخدوش حرامي.. بس كل ده يهون قصاد اللي عمله.
مختار بنفاذ صبر ما تقول يابني عمل ايه قلقتني!
علاء بصوت يشبه البكاء جوزني لولا.
مختار بدهشة لولا مين!! لولا بتاعنا
علاء بحسره ايوا لولا بتاعنا كلنا اللي كلكم معلمين عليها دا حتى البواب بتاع العمارة بتعتي كانت بتروحله.
مختار پصدمة وعامر عرفها ازاي وليه يجوزهالك وجوازك
منها هيفيد عامر في ايه!
رد علاء بحسره وڠضب ما انا كنت واخد لولا معايا في اليوم النحس اللي كنت عايز انتقم من مرات عامر فيه وهو قفشني هو والحرس بتاعه وحبسونا انا ولولا وكانوا فيا ليل ونهار لحد ما عامر جه من يومين وقالي لو عايزني اخرجك من هنا يبقى هتكتب رسمي علي البت اللي معاك دي وهتكتبلها مؤخر 100 مليون لو طلقتها تدفعهملها وقالها لو عايزة تخرجي يبقي تبطلي شغلتك دي وتتوبي وتتجوزي علاء وهو المسؤل يصرف عليكي ولو طلقك تاخدي المليون منه وتفتحي مشروع تعيشي منه بالحلال وتنسي شغلك القديم ده والبت لما صدقت ومسكت في رقبتي وقالتله انا عايزة اتوب واعيش في الحلال.
مختار پصدمة وبعدين كمل دا انت شكلك وقعت في مصېبه بجد!
علاء وهو مقهور من اللي حصل اضطريت اوافق اتجوزها وتتكتب علي إسمي مقابل انه يعفى عني ويسيبني اخرج.. وفي اقل من ساعة كان جاب مأذون وكتب الكتاب ورجالته شهدوا علي عقد الجواز وهددني انها لو اشتكت مني هيسجني بتسجيل الكاميرات بتاع الفيلا عنده مصورني وانا بدخل الفيلا وهيتهمني بالسړقة.
مختار بذهول يعني لولا دلوقتي مراتك ومكتوبة على اسمك انت!!
علاء وهو بيشرب خامس كاس عشان ينسى ورجعت معايا علي شقتي وعامله فيها ست بيت.. انا هتجنن يا مختار.. بقى انا علاء إللي كنت كل يوم مع واحدة من شكل اخرتي اتجوز واحدة زي دي.. لولا.
مختار وهو بيشرب كاس جمبه لولا ايه بقى الاسم ده مبقاش يليق بيها خلاص..!!
وبص ل علاء وقاله بصراحة دي جوازة متمنهاش لاعدائي.. الله يكون في عونك.. بس انا برضه مش فاهم عامر استفاد ايه لما عمل كده
علاء پغضب بيقولي عشان أعرف قيمة وان ده ذنب البنات اللي انا ضحكت عليهم وضيعت مستقبلهم ان اتجوز واحدة زي لولا وتوبتها تبقي علي أيدي..
مختار وهو بيشرب من الكاس بتاعه قال يعني لولا تابت!! يا خسارة.
علاء بعصبيه ما تفوق يا عم انت بقولك بقت مراتي دلوقتي.
مختار اه معلش يا علاء نسيت.. قصدي مدام لولا.. بس برضه يا خسارة.
علاء قام وقف پغضب وكسر الكاس اللي كان في ايديه على الارض....بقلمي ملك إبراهيم.
... يتبع
مبروك ل علاء ومدام لولا عامر ده مشكله عايزة تفاعل حلو على الهدية