زواج قاصر بقلم آيه موسى
انت في الصفحة 1 من 3 صفحات
جواز إيه دي عنديها ١٣ سنة
نفث الدخان اللي بيشده من المعسل اللي بيشربه وقال بجدية
وإيه يعني ١٣ سنة أنت خابرة زين بتك حلوة قد إيه! وطالما تقدر تتجوز إيه المانع عنديك أنت
كنت واقفة عند باب الدار شوفت أمي وهي بتقف وبتحرك يدها بعصبية زايدة وهي بتقول لأبوي
لا يا حاج ده ميرضيش ربنا رهف لساتها صغيرة ودماغها نضيفة ومفتحة وأني عايزاها تكمل علامها وتبقى حاجة كبيرة بعدين
شوفت أمي وهي طالعه مغلوبة على أمرها وبتمسح في عيونها لأجل إني مشوفش دموعها لكن أني شوفتها وهفضل فاكراها طلعت قعدت على البسطة وأني شايله عروستي كأني مسمعتش حاجة كام دقيقة ولقيت أمي جايه ناحية قعدت جاري وحطت يدها على شعري الطويل وهي بتقولي
مسكت يدها حبيت عليها
أمي اللي لو الدنيا دي كلها اتخلت عني هي متعملهاش قولتها بحب
وأني عندي أحلى أم في الدنيا كلها من غيرك أني مش حاجة ياما
أنت خابرة زين إنك أكتر واحدة في أخوات بحب أتكلم وياها بحسك رغم سنك الصغير إلا إنك عاقلة قوي
احكي ياما أني سمعاك زين أهه
بصت في الأرض وقالت
أبوك جايبلك عريس
قبل ما أدي رد فعل ولا أي حاجة لقيتها بتقول بسرعة
اكده أو اكده أني مش موافقة من أصله بس هو ادى كلمة للراجل علشان منطلعهوش اصغير وكمان أنت خابرة إنه متضايق الفترة دي بسبب الأرض اللي ضاعت منيه ماشي يا بتي أنت بس هتشوفيه وهتبقى تبلغي أبوك بعد ما يمشوا إنك مش موافقة علطول وأني هدعمك وأبقى وراك لحد ما تبقى دكتورة قد الدنيا يا ضنايا
ربنا يخليكي ليا ياما
جه الليل ولبستني جلباية حلوة ومليانة ورد ولما أبويا زعق نزلنا أني وياها هي فضلت واقفة بره بأمر من أبويا إنها متخشش في رجالة غريبة وأني دخلت وأني حاسه رغم اللي سمعته إلا إني مش فاهمة حاجة
لقيت الراجل سند على عصايته وقام وقف وقال
بسم الله ما شاء الله بقا القمر دي حدانا في الكفر ومخبيها علينا يا عبد الرحيم بس صراحة ليك حق تخبيها الجمال ده كله يتحسد والناس اهنه عينها مبترحمش
اتضايقت من حديته لأن أمي علطول تقولي متسحميش لواحد متعرفيهوش يقولك حديت حلو ويضحك عليك بكلمتين
قربت من أبويا ووقفت
